Thursday, November 28, 2013

Kuch Yaadein

Chu liya jism; 
Toone chu li meri rooh
Anfaas hue tez jab hue rubaroo
Dhadkanon mein tum
Basi dhadkanon ki khamoshiyon mein bhi tum
Chahunga tumhe mein puri umr bhar
Jab tak rahe na meri koi khabar

Chali gayi ho tum; 
Sapne gaye bikhar
Toot gaya mein; meri nahi rahi meri hi jaan hokar
Tu nahi mere saath; har pal aisa ehsaas
Bas mein nahi kuch, teri khusi mein khush
Laakh samjhaya ki tune kabhi na chaha
Per maane na - na maane na - yeh aashiq dil deewana

Kuch yaadein tumhe abhi bhi rubaroo laati hain
Jaise long drive pe jaana;
Bachon ko roz sulana
Baat karte karte so jaana;
Aankh khulte hi ek dusre ko dekh muskurana
Masoom si woh hasi; 
Nafs ko hua nasha

Kuch baatein tumhe abhi bhi rubaroo laati hain
Jaise palkon ka jhapakna;
Suraj ki roshni;
Raat ka andhera
Jaise saans ka aana jaana;
Dil ki dhadkanein;
Har naya savera

Maane na - na maane na - yeh aashiq dil deewana

No comments :

Post a Comment

 

Myriad Ramblings

© 2013; Aakaash Sehgal:

(Dashboard)